最後一年 glocal week 真心去得冇遺憾，一直去慣泰國嘅我竟然選擇去柬埔寨。經歷不同咗，感想體會都唔同咗。

一開始嘅我沒什麼期望，只想玩得開心，好好服侍，冇諗過自己感悟那麼多。我發現自己處於呢個世代 – 香港呢個地方 並唔係理所當然，發現自己已經好幸福了！喺香港嘅我哋係咁投訴，學業、人際關係、自己冇嘅嘢，但係我哋成日忽視自己已擁有嘅嘢；一個溫暖嘅屋企、一個進行學習嘅機會、一個算係安全嘅社會…呢啲全部都係神所賜嘅恩典。我哋擁有咁多，何必淨係識埋怨呢？

我都從佢哋身上意識到快樂真係簡單，一場包剪揼、一句問候、一個high five，佢哋即刻露出笑容，其實真係唔使諗咁多。第二日，其實淨係同咗兩個女仔傾計，仲要唔係傾咗好耐，下一日就收到佢哋親手寫嘅信，對於佢哋嚟講 可能好簡單，但係對於我意義好大。

身為內向嘅我，同陌生人溝通對於我嚟講真係好難，但係我最終可以鼓氣勇氣，踏出自己舒適圈，一開始真係好唔舒服 好驚，但係去到後尾，自己終於可以同佢哋玩埋一舊，好開心！

最後，呢個trip令我深深感受到神嘅同在，感受到神嘅恩典，無論係天氣、行程、定係學習內容，都令我覺得有神嘅安排。呢個trip 之前，自己對信仰同神好多疑惑，但係神好似逐一解答我問題。當我諗緊神值唔值得信，有封信入面寫住 “keep on trusting god”；當我諗緊自己係咪個好嘅基督徒，有封信入面寫住 “you are a good child of god”。當我諗緊有咩經文啱我，學校就有個環節大大聲讀出 “isiah 41:10”，呢句經文其實陪我度過咗igcse 對我意義都好大神好似比咗個肯定我，或許我諗多咗，但係真係好奇妙！

真係好感恩最後一年 glocal week 去到呢度，學習、成長 都好多好多。